Categories
糖尿病 醫療資訊

什麼是糖尿病?

糖尿病係內分泌疾病的其中一種,泛指血糖過高,之後會引起一連串的併發症,例如心血管疾病、眼疾同腎衰竭等。糖尿病亦係常見嘅慢性疾病,喺香港,十個成年人入面至少有一個有糖尿病!

糖尿病係內分泌疾病的其中一種,泛指血糖過高,之後會引起一連串的併發症,例如心血管疾病、眼疾同腎衰竭等。糖尿病亦係常見嘅慢性疾病,喺香港,十個成年人入面至少有一個有糖尿病!

點解叫糖尿病?

血糖正常嘅人D小便係冇糖份的:

但當血液中的糖份的過咗一個臨界點時(通常血糖大約8.3 mmol/l 或以上),個腎就由得D糖份喺尿液之中流走。因此古代D人叫呢個病做糖尿病,佢英文名叫Diabetes Mellitus (簡稱DM), 拉丁文原意就係「排出糖份」(passing through honey sweetened thing)

不過事實上有好多血糖高嘅人(尤其係病情早期的),佢哋嘅小便冇糖的。所以如果我哋只用小便去驗糖尿病係唔太準確的。

糖尿病個名來自古代人對血糖高呢個病的有限度認識,至於血糖幾高先叫糖尿病,糖尿病個定義係乜?可參考下<我有冇糖尿病 ? – 糖尿病定義>

糖尿病根據其成因,主要分為兩種:

  1. 一型糖尿病 Type 1 diabetes
  2. 二型糖尿病 Type 2 diabetes

至於其他細項如妊娠糖尿病、MODY(Maturity Onset Diabetes of the Young)糖尿病、1.5 型糖尿病等等,將來有機會先講。

要了解各類糖尿病的原理,我哋首先要睇下正常人的血糖平?係點的:

透過以上嘅胰島素恆常機制,就算我地進食後個血糖都唔會過高。

一型糖尿係點呢?

一型糖尿病係屬於自生免疫系統的毛病(autoimmune disease),即係身體嘅免疫系統誤以為自己個胰臟裡面的胰島細胞係細菌係病毒,所以係咁攻擊佢破壞佢,導致冇曬D胰島細胞。

一型糖尿病只佔整體糖尿病病案的3-5%,患者通常好後生時(有好多甚至早於幼稚園小學階段)已發病,通常佢個家族遺傳性較低。因為身體完全缺乏胰島素,所以一開始病發就即刻要打胰島素。

二型糖尿又點?

二型糖尿病人初期的胰臟能正常,佢地問題的關鍵係胰島素抗阻,講得生活化D,即係話身體各器官唔係好聽胰島素的指示,對胰島素冇乜反應:

二型糖尿病佔了糖尿病整體個案90%以上,患者通常年紀大D(如中年之後)先發病。因為肥胖會容易有胰島素抗阻,所以患者身型亦比較肥,亦因此有D人會叫二型糖尿做富貴病。比起一型糖尿,二型糖尿有家族糖尿病史比例高得多。

如果你明白上述一型糖尿病同二型糖尿病的高血糖原理,之後就會容易明白為何會有糖尿病前期(Prediabetes)、口服糖尿藥的功能同利弊,同埋點解唔少二型糖病尿患者最終需要打胰島素幫助控制血糖。

由於大部分糖尿病患者都屬於二型糖尿病,所以我係呢度會集中講二型糖尿病的資訊,當然其實呢D資訊在一型糖尿病患者大部分都啱用。

Leave a Reply

Your email address will not be published.