Categories
糖尿病 醫療資訊

半夜血糖低令你早上空肚血糖高

早上起來空肚血糖為什麼會過高?原來清晨曾出現在血糖過低可以令身體作出反應,令血糖反彈至過高的水平,令你誤會以為自己的糖尿藥物份量不夠重!

上一篇<<點解早上空腹血糖高?原來係關黎明事>>,講過有D糖尿病患者因為黎明效應,令空肚血糖值比之前一晚高。如果你正在接受胰島素治療,或者服用一D會有機會出現低血糖的口服糖尿藥(包括磺脲類Sulphonylurea 同埋瑞格列奈藥物 Repaglinide ,那你有可能係另一個原因令你早上空腹血糖高過預期。

拆解早上空肚血糖高之謎

糖尿病人一天的血糖水平圖,黃色的地帶代表血糖過低的水平;我哋可以見到呢位病人成日成晚都冇血糖低。
如果半夜出現血糖過低之現象
當有血糖低時,身體會唧出高血糖素 Glucagon、皮質醇 cortisol、兒茶酚胺Catecholamines、生長激素呢D荷爾蒙,務求在短時間內將低血糖消失。不過呢D荷爾蒙通常會令之後的血糖矯枉過正(或者「技術性反彈」),出現過高的情況,呢個就係我呢篇文第一句所講的「早上空肚血糖高係因為(半夜有過)血糖低」。

早上空肚血糖高:點樣分黎明效應定半夜試過血糖低?

好多時大家太熟睡,半夜血糖低都未必發覺。呢個時候你的醫生會叫你在凌晨3點左右起一起身篤手指驗血糖。如果半夜三更篤手指驗血糖太唔方便(或者太離地唔可行),你可以用24小時血糖監測儀器,佢能夠在你熟睡那時測量當時的血糖度數。

如果3點的血糖過低(如只有2點幾、3度),你的空腹血糖高問題就是因為清晨時分血糖過低,而出現「技術性反彈」;咁醫生需要同你減糖尿藥或胰島素的份量,避免半夜血糖再低過。

反之,清晨3點血糖正常,你的空腹血糖高問題就是因為黎明效應,因此醫生就可能要同你增加胰島素的份量。

較容易出現低血糖的口服糖尿藥

  • 磺脲類糖尿藥Sulphonylurea:

本地常用例子 – glibenclamide, gliclazide, glipizide , glimepiride

  • 格列奈糖尿藥 Meglitinide :

本地常用例子 – Repaglinide

至於其他的口服糖尿藥則較底機會出現血糖過低,例如甲福明Metformin、DPP4抑制劑(DPP4 inhibitors)、SGLT2 抑制劑 (SGLT2 inhibitors 俗稱”排糖藥”)和噻唑烷二酮 (Thiazolidinediones)。

Leave a Reply

Your email address will not be published.